Le fat che al fala le test ladin dai referendums é na grandiscima manćianza da pert dla aministraziun provinziala. La SVP te chësc caje à indô n iade desmostrè tan püch che i ladins ti sta a cör.

LADINS DOLOMITES

Che le sistem Südtirol é amarè s’un intënn tres plü jënt. 10 pilores che va debojëgn atira.

1. Miorè  l’efiziënza dl sistem tres la reduziun dla burocrazia
2. Parité de tratamënt danter döta la popolaziun
3. Mirit y competënzes al pröm post
4. Svilup dl setur terziar, Südtirol sciöche zënter dl terziar avanzè danter le monn todësch y mediteran
5. Smendrì le trafich tres zirconvalaziuns poscibilmënter sot tera ite, tröc paîsc ladins patësc sot ai tosseri dl trafich
6. Mioramënt dla rëi dl sozial
7. Reduziun dles cutes
8. Sussidiarieté
9. Poscibilité de autorealisaziun di jogn
10. Svilup sostenibl, l’ambiënt sciöche ressursa da mantignì y nia destrüje

 Albert Pizzinini - LADINS DOLOMITES

Situaziun dl trafich a La Ila

Le zënter da La Ila sofiëia tl trafich ti mëisc de sajun. Sce an passa a La Ila dales 5 domisdé d’invern, ne röion nia plü inant. Chi che va a pé fora por le zënter da chël’ora po se tó do na maschera por ne sofié nia dal tosser di auti.