|
met ite da Egon Pescollderungg
|
|
20-08-2014 |
Monumënt ala Vitoria La daurida dl percurs museal tl’alzada sot tera dl Monumënt ala Vitoria a Balsan raprejentëia n gran vare inant sön le tru dla convivënza danter i grups linguistics te Südtirol. Ći che desplej é che al manćia i tesć por ladin; chësta manćianza dess gnì curida le plü atira che ara va. Dl ater vers val inće debojëgn da dì che la discusciun sön ći varianta de ladin tó por i tesć porta sciöche conseguënza che ala fin ne ciàfon degun ladin. Al é tler che al ô ester le Ladin Dolomitan por unifiché düć i ladins. Chi che é stà tres cuntra le Ladin Dolomitan à indô ciafè la desmostraziun che cun chësc ester contrars n’él nia che va inant. Ladins Dolomites
|
|
|
met ite da Egon Pescollderungg
|
|
30-06-2014 |
Ladin nia nezesciar por laurè tles valades ladines pro les comunitês comprensoriales? Da püch à scrit fora la Comunité comprensoriala Salten-Schlern n concurs por deplü störes tla Ćiasa de Palsa da Urtijëi. Danter i recuisić ne vëgnel nia damanè le trilinguism, scebëgn che la popolaziun à le dërt da adorè le ladin ti raporć cun l’ aministraziun publica tles valades ladines. Al n’é nia le pröm iade che al sozed, na spligaziun da pert dl’Aministraziun provinziala é plü co nezesciara, ajache a chësta moda penalisunse la popolaziun ladina de dui versc, impröma risćiunse da ne podëi nia se anuzé dl ladin ti raporć cun la Comunité comprensoriala y por secundo ne ti vëgnel nia reconesciü a chësta moda al personal ladin l’indenité de trilinguism. Da injuntè él inće che i tëmps é madüs por la creaziun de na comunité comprensoriala ladina autonoma. Albert Pizzinini Ladins Dolomites
|
|
|
met ite da Egon Pescollderungg
|
|
23-06-2014 |
Ponsiuns d’or, penositês zënza fin Al é na situaziun da se dodè chëra ch’i viun tl Consëi Regional, na vera düć cuntra düć cun l’unich obietif de mantignì, tan inant che ara va, i privilegs. Al é tler che te na te’ situaziun ne po n Consëi nia funzionè, tan demanco ester bun da fà na reforma azetabla. L’unica soluziun a chësc punt è chëra de lîtes antizipades. Al é le litadù che dess avëi l’ultima parora. Al sarà spo compit dl Consëi Regional tratè la problematica dles ponsiuns d’or y de döt ći che reverda le paiamënt di politics te na manira ogetiva. Albert Pizzinini Ladins Dolomites
|
|
|
met ite da Egon Pescollderungg
|
|
10-06-2014 |
Situaziun dles strades da se dodè La maratona dles Dolomites é dan da nos. Sce an ti ćiara indere ales strades pêl che al se trates de cantiers a cil davert. Flastri indlunch, che ne lascia sperè nia de bun. Chësta situaziun mët en prigo düć chi che mëss passè y ne é nia la miù cherta da vijita por nostes valades. An se damana olache nostes aministraziuns comunales é por azetè döt chësc. Albert Pizzinini Ladins Dolomites
|
|
Ultima atualisazion ( 10-06-2014 )
|
|
|
met ite da Egon Pescollderungg
|
|
03-06-2014 |
Incuntada Renzi-Faymann
Al é gnü fora la notizia che Renzi y Faymann se incuntarà tl Ćiastel Prösels. La incuntada fora dai posć istituzionai porta a na domanda; che paiarà pa por chësc. Saràl indô le contribuënt a paié. Sce ara é insciö, éll trö’ damì che Renzi y Faymann se incuntes ti palac istituzionai a Roma o Viena. Ladins Dolomites ti damana al presidënt dla Junta Provinziala Kompatscher tan che chësta incuntada ti gnarà a costè a Südtirol. Albert Pizzinini Ladins Dolomites
|
|
|
|
<< Meteman < endour 1 2 3 4 5 6 7 8 9 10 inant > Fin >>
|
| Resultac 8 - 14 de 440 |
