La medejina privata vëgn praticada ti spitoi de nosta provinzia

Ai é stà bugn da la portè tan inant. Ti spitoi de Südtirol saràl dal pröm de merz de chësc ann la poscibilité da se lascè  vijité te na forma privata a paiamënt da n dotur spezialisé de spitol.  Chësc gnarà fat fora dl orar y dl laûr de ambulatore, trëi dis al’ edema.  Na vijita spezialistica privata àn bele odü, che ne é gnanca tan bunmarćé. Mo i savun ći che l’ aparat sanitar ti costa ala man publica.

Nia da capì

Nia da capì ćiodiche la SVP ladina se tëm tan dala democrazia direta, al é pö la SVP che fej la lege. Ne dij pa nia la SVP che ara scona i todësc y inće i ladins? La SVP ladina confermëia ći che Ladins Dolomites dij demeztrù che al n’é nia lerch por i ladins tla SVP y che i interesc todësc tira dant.

Ladins Dolomites

Intervista a Franz Fiung

1) Dan  zirca  trëi agn y mez  à le sistem sanitar  de Südtirol  superè  de gran mudaziuns . Ći él pa  da  capì, canche al vëgn  tratè de chësta   chestiun ?
La gran mudaziun é stada la metüda adöm dles 4 aziëndes sanitares cun conseguënzes scialdi   confuses do chisc trëi agn. L’aministraziun é stada smendrida cun conseguënzes de confujiun de gestiun söl post. Chësc ô dì che i capi é a Balsan y tla periferia ne pon nia tó dezijiuns importantes y chësc mët sotissura le sistem y l’organisaziun. Al pö che an vais adincuntra al’anarchia y chël ne va nia bun tl sorvisc publich. La politica tla sanité é da n pez assënta y la direziun nöia mëss impormò se ciafè les raîsc.

La cherta d`identité por ladin – le ladin standard é l`unica soluziun!

La tematica atuala é bëgn chëra dla cherta d`identité por ladin. Ultimamënter unse aldì che la provinzia da Balsan à inciarié le Istitut Ladin  Micurà de Rü da San Martin de Tor da laurè fora deplü propostes. Sce i dun na odlada plü sota, messunse bëgn dì che al vëgn fat n pü de confujiun. Al é dessigü dërt che al röies sön la cherta d`identité inće la verjiun ladina. Chësta ess bele messü ester da n pez lassura.