Conferënza stampa di Freiheitlichen a Sëlva en sabeda, ai 6 de merz 2010

Con la conferënza stampa da en sabeda, ai 6 de merz, intitolada “Hasstiraden des Ladins Praesidenten sind allmaehlich untragbar” à i Freiheitilichen desmostrè ciamò n iade cun i fać chi che ai é. N te’ comportamënt che desprijëia le laûr de atri, che ne lascia nia pro critiches, che vëiga la liberté de parora sciöche n prigo, ne é nia democratich.
Scraié da ester tan democratics ne jô nia, sce ales parores ne vëgnel nia do i fać. La democrazia é n valur por chël che an mëss combate vigni dé y olache la liberté de minunga é fondamentala.

Ladins Dolomites

Se detlarè ladins zënza ciafè l’invit por ladin

La Provinzia mëna fora por chi che complësc 18 agn n invit por dè jö la detlaraziun de portignënza a n grup linguistich. Le paradox é che chësc invit vëgn ma menè fora por talian y todësch. Inće le comun de Sëlva che le mëna fora a pert l’à menè fora ma por talian y todësch y no por ladin.

Ladins Dolomites

Plazes da parchè a paiamënt ô dì na reduziun dla paga

Dal pröm de aurì mëss i dependënć publics sura döt le teritore provinzial paié por podëi parchè sön le post de laûr. La delibera é te süa conzeziun scandalosa. Impede sostignì i dependënć, che é l’anel plü debl dl sistem, mëss propi chisc contribuì al paiamënt di cosć de operes realisades massa gonot zënza n control adeguè de chisc. Ladins Dolomites se damana che la Junta Provinziala fejes n vare zoruch y che ara ćiares deplü al aspet sozial, dal momënt che al propri i lauranć lé zënter dla ćiadëna de valur.

Ladins Dolomites

Rai Ladina

Al é oramai agn che al vëgn rajonè de la Rai ladina y dl aumënt dles trascmisciuns, sciöche inće de na redaziun autonoma. Mo gnü fat ne él nia!

Ladins Dolomites se damana n maiù impëgn da pert dla Provinzia por arjunje plü aslöm che ara va chësc obietif.

Ladins Dolomites