Plazes di auti a paiamënt

Dal 1. de aurì messarà i dependënć publics de döt Südtirol paié por podëi lascè jö l’auto sön le post de laûr. Insegnanć, doturs, personal dl ospedal y de atri ofizi publics toma ite te chësta regolamentaziun. Implü aumënta les tarifes por les plazes da parchè publiches. Döt chësc ne fej nia ater che ti tó podëi da cumprè ala jënt, cun conseguënzes negatives por döta l’economia.

Strada Tlüses-Pontives

La strada da Tlüses a Pontives rapresentëia n gran prigo por la zircolaziun di auti. Do la roa gnüda jö dan da n pêr de agn, vëgnel tres jö peres apëna che al plöi n püch. En sabeda, ai 27 de merz 2010, éra indô stada tan inant. Nia da capì, ćiodiche an aspeta tres denant che fà laûrs che mëtes finalmënter al sigü les strades de azès te Gherdëna.

Ladins Dolomites

Lîtes de Comun

Les proscimes lîtes de Comun é na  ocajiun por n mudamënt dla politica comunala. Nia plü interesc personai, mo responsabilitè coletiva é damanada. I programs litai mëss ester poscibli. La jënt de Südtirol ne à nia debojëgn de populism y de programs utopics.
Temesc fondamentai é le sozial, olache al dess gnì ćiarè deplü ales nezescitês di plü debli y l’urbanistica, olache la cualité de vita y le svilup sostenibl mëss ester al pröm post tl respet de nosc ambiënt.

Ladins Dolomites

Les lîtes de comun 2010, na poscibilité por la popolaziun?

L’ann 2010 chërda indô la popolaziun da jì a lité. Na lîta é dessigü val’ de dërt y  democratich, sce ara vëgn fata te na manira iüsta.
Tla Val Badia vëgnel lité te cater comuns, deache tl Comun de Badia é les lîtes bele stades  l`ann 2009. Ti atri comuns vëgnel lité regolarmënter cun listes ziviches y SVP te val’ post.