Sëira de nfurmazion dla lista Ladins Dolomites de Sëlva

La lista Ladins Dolomites de Sëlva mët a jì, n merdi ai 11 de mei, dala 20.30 tla Cësa dde Cultura de Sëlva, na sëira de nfurmaziun. Ntan la sëira dla prejentaziun uniràl nce mustrà la premiere de n film curt n con' de Sëlva. Da n merdi sëira ai 11 de mei dala 23.00 inant saràl nce da udëi sot:

http://www.facebook.com/pages/Selva-Gherdeina/Ladins-Dolomites-Selva/117737878261207

I cosć dla vita alza y le paiamënt dl dependënt nia.

Dai cosć dla vita  y de so aumënt vëgnel baié demeztrù. Tröc mëss fà dé por dé n gröm de chilometri  por se davagné la paga sindacala. Da ponsè che i sun te na fasa de crisa. I sun dla minunga che le dagnì n’é nia plü da odei tan positif. Ćiodì pa chësc? I podun dì che al é oramai döes categories tla popolaziun; la pert co davagna y la pert co sorvësc. Oramai unse n standard de vita dër desvalì.

Avocat por i jogn

L’istituziun dl avocat por i jogn (Jugendanwaltschaft) é n vare important. Le candidat chirì fora por chësta manjiun dess indere inće conësce le ladin o almanco se impegné da l’ imparè y da dè jö l’ejam de trilinguism te n ann. Chësc foss n sëgn tla direziun de n reconescimënt plëgn di ladins y de so lingaz a livel provinzial.

Ladins Dolomites

“LADINS DOLOMITES” fej al savëi che l à metù su na lista de candidates y candidac per la proscima veles dl Cunsëi dl Chemun de Sëlva cun n program nuef che se tol a cuer na  aministrazion cumunela trasparënta che uel mudé radicalmenter stil dl guviern y aministrazion dla “cossa publica” y deventè na aministrazion dantaldut de servijes, ulache l zitadin conte for de plu y ebe l dërt de uni scutà su y de partezipè ativamënter ala decisions.
 
Per la ncëria de ambolt se candidea l dutor David Lardschneider, da plu ani redatëur dla USC DI LADINS y inseniant, maridà cun doi mutons, scialdi cunesciù y da for atif tla cumenanza de Sëlva.