Université da Balsan, ladins sotrapresentà

Tl’Université de Balsan sciöche istituziun lëdia ne mëssel nia gnì apliché le proporz y i ladins é chilò sotrapresentà. Ladins Dolomites se damana che i ladins vëgnes tuć deplü en  conscidraziun tl assegnaziun de chëstes störes.

Ladins Dolomites

Viabilité tles valades ladines

Tles valades ladines viunse tratan la sajun na situaziun de congestionamënt sciöche tles gran citês. La gauja de chësc é da chirì no ma tl gran svilup, mo suradöt te na manćianza de na vijiun globala. L’urbanistica de chësc vers ne à nia dè na man. Massa gonot ne él nia gnü programè indertöra. Interesc privać é jüs danfora y le resultat é dan man. I ponsun por ejëmpl al paîsc de Urtijëi, olache al é plü ri da se möie che te na gran cité. Mo d’atri paîsc tles valades ladines ne se sta nia cis damì!
Ći che al ô ester é suradöt na mëndra densité urbanistica. Demassa ne fej bun a degügn, suradöt nia al turism instës. La rentabilité dles strotöres ne va nia chirida tles dimenjiun maius, mo suradöt tla cualité.

Ladins Dolomites

Orars dla coriera por ladin

La dezijiun da dè fora i orars dla coriera da d’isté inće por ladin tles valades ladines é da saludè cun ligrëza, mo chësc ne basta nia. I ladins da foradecà ne à nia ćiamò le dërt da podëi lì i orars por ladin fora dles valades ladines. Chësta descriminaziun ti confrunć dla popolaziun ladina ne é nia azetabla. I orars mëss gnì dà fora tla versciun ladina sura döt le teritore dl Tirol dl Süd.

Ladins Dolomites

I esperć dla materia é da sostignì

Vigni popul manaciè à sü esperć. Chësc vel dantadöt tl setur scientifich, mo inće söl ćiamp dl lingaz, dla politica y dl’economia. Le sostëgn de chisc esperć da pert dles istituziuns é la miù medejina por n miù dagnì dla popolaziun intiera.
Olâ sunse pa rovà, olâ junse pa? Tröpes domandes él da se fà, mo cara é pa la dërta resposta?