La crisa finanziara y spo economica dl 2008-2009 ne é nia ćiamò superada. Inće sce al é segnai positifs, é l’economia gnüda trasformada dala crisa. Les imprejes à messü aumentè la produtivité, tan da baié de n mioramënt dla situaziun zënza la creaziun de ocupaziun nöia. Chesc comporta che al sarà plü ri da ciafè n laûr. Les mosöres a sostëgn dl redit é a dorada limitada. Al sarà propri da chësc ann inant che tröpes porsones sintiarà deplü la crisa. Y propi śëgn ôl ester n sforz da pert dla politica a na moda che düć pois s’un stè saurì, zënza la trica de ne podëi nia plü se sostignì instësc o süa familia.

Ladins Dolomites

Toponomastica, chît por ći che reverda i ladins

La chestiun dla toponomastica é dagnora stada n ćiamp de stritoc. Deperpo che ćiarè da ciafè na soluziun, àn dagnora cherié conflić. Scebëgn che la toponomastica reverda inće i ladins che de chësc vers n’à degüna valianza de dërć, ne vëgn chisc mai trać ca. Da se damanè èl tan inant che i ladins sciöche grup linguistich autonom, che mëss avëi i medemi dërć che i taliagn y i todësc, ti interessëia a chisc? Da se dejidré él che an se rëndes finalmënter cunt che te Südtirol vîrel trëi grups linguistics.

Ladins Dolomites

La püćia efiziënza dla politica ladina a Balsan! Caje dl patentin de bilinguism

La caje dl reconescimënt dl patentin de bilinguism zënza ejam por chi che à fat na matura taliana-todëscia y dedô na universté todëscia o taliana é emblematich dla püćia efiziënza dla politica ladina a Balsan.

Estremism y mosöres dla Junta Provinziala

Les mosöres cuntra l’estremism tutes dala Junta Provinziala va dl dër vers. L’aplicaziun pratica é plü ria, ajache l’estremism é chersciü ite tla sozieté. Cun parores se dij düć decuntra, mo i fać desmostra döt val’ d’ater.