Ëles te junta: La situaziun a San Martin y la Val.

Al é dagnëra ri ciafè ëles che fej pert ativamënter ala vita politica. Canche n partì va a chirì candidać se stëntel dagnëra cun les ëles, che gunot pur le bëgn dla familia ne po nia fa para. Tl cajo de San Martin ulà che al é döes ëles te Cunsei fossel stè bun ejempl to ite n ëla te giunta impè de sfurzè inant la soluziun ulà che le paîsc da Lungiarü à dui assessûrs SVP.
A La Val ne à les ëles nia orü fa pêrt dla junta y chësc é sciode.

Ladins Dolomites

Parch tecnologich y cuestiun Virgl a Balsan

Tles ultimes edemes él gnü gunot baié dl parch tecnologich a Balsan y dla cuestiun Virgl, três a Balsan. L’ parch tecnologich é motif de discusciun y ne vëgn nia aratè de ütl da düć. Le düt depënd da ci che le parch tecnologich fajéss. Al é tler che n cer tipo de ricerca vëgn suradüt adorada dales gran imprejes, che pudess insciö esternalisè coć atramënter interns. De chësc vers inće les parores de Seeber dla Leitner che manacia da sun jì sce le parch ne vëgn nia fat.

Plü ores de ladin a scola

La reforma dla scola alta nes pita val poscibilité pur l’introduziun de deplö ores de ladin te scola. Almanco na secunda ora al edema de ladin tla scola alta o l’insegnamënt de na materia pur ladin jiss debujëgn pur le mantignimënt de nosc lingaz.

Albert Pizzinini
Ladins Dolomites

Toponomastica: ulà sta pa la SVP Ladina?

Tla cuestiun toponomastica ne à la SVP mai trat ca la situaziun ladina. Tles incuntades danter Durnwalder y le minister Fitto ela dagnëra ma jüda de bilinguism mai de trilinguism. Chësc comportamënt desplej dër ajache al sotrissa tan püch che i ladins vëgn tuć in conscideraziun a Balsan. Da pert ladina él da se lascè sö, mo a pert Ladins Dolomites che à trat sö la cuestiun à la  SVP ladina scutè. Chësc comportamënt ne é nia azetabl.

Albert Pizzinini
Ladins Dolomites