Reconescimënt di paurs da munt tla ćiadëna dl valur turistich

Active Image Che i paurs da munt dà n gran contribut ala creaziun de valur tla ćiadëna dl turism él düć che sa. Ći nen fóssel pa de nostes localitês, sce i pra ne gniss nia tignis tan bun? Gniss le scior ciamò tan ion da nos? Gonot é indere le reconescimënt de chësc contribut sotvaluté.

Cis i paurs da munt che ne po nia laurè tl ćiamp dl turism röia te gran dificoltês. La provinzia à fat val’ te chësta direziun dan contribuć, mo chësc é massa püch. Al é da fà de maius sforc por ti garantì la suraviënza a chisc paurs, a na moda che ai pois dè inant le gran contribut ala ćiadëna dl valur turistich. Mantignì nosta contrada é n dovëi moral che i ùn inće ti confrunć dles vedles generaziuns che à fat tan de sforc y che é la fondamënta dl svilup che é stè.
L’aiüt po passè tambëgn tres n aumënt di contribuć, sciöche inće tres l’aiüt al svilup de fontanes de davagn alternatif, por ejëmpl tres la revalutaziun di produć che po gnì arjignà sön le lüch da paur. Cun canai distributifs alternatifs podéssel ti restè deplü dla creaziun de valur al paur produzënt. N’ atra poscibilité é chëra dl sostëgn ala produziun de energia renovabla. L’obietif mëss ester chël de garantì la conveniënza economica inće por chësta ativité.

Ladins Dolomites

comentars

Scriv

Chier