Dać sön i jus; ri por Mussner dè pro la pordüda

Active Image Oramai é la chestiun sön le daz sön i jus dolomitics gnüda na chestiun personala por Florian Mussner. Les respostes dades a na interogaziun de Lega y Union é stades contraditores y debles.
De un n vers ôn n proiet unitar cun les atres provinzies, dl ater vers jì inant susc, sce chëstes ne dà nia pro. La Provinzia da Belun se à bele pronunzié contrara manacian de mëte sö n daz sön la strada da Toblach a Cortina y à lascè capì plü che öna na perplessité.

Por la popolaziun ladina é le daz na manira da despartì deplü i ladins, sciöche inće na cuta implü. Inće ai ombolć ladins ne ti scüsa nia massa la proposta de Mussner.
Ladins Dolomites inviëia l’assessur Mussner da nen fà nia na sfida personala a dann dla popolaziun y da azetè la proposta de Ladins Dolomites che vëiga danfora che i residënć pois zircolè liberamënter. Tles periodes plü critiches pon ponsè a n contingentamënt dl trafich do na informaziun adeguada.
La sconanza dl patrimone natural passa tres la condivijiun, nia tres l’imposiziun.

Ladins Dolomites

comentars

Scriv

Chier