Stimedes Ladines, stimés Ladins!

Demé sce i Ladins tegn adum, ései stersc! Chest prinzip, desmostré con gran suzes te trueps ciamps dla vita economica, soziala, culturala y sportiva de nostes valedes (tla economia p.ej. da Superski Dolomites), dess ence valei tla politica. Perchel él nasciù la lista LADINS DOLOMITES. Ti ciamps, olache i Ladins à podù se organisé autonomamenter, ài arjont endlonch de gran traverc, che và ence cotant soura sie pice numer fora. Ma tla politica é i Ladins restés despartis. Ai é perchel aldidancuei enfinamai sotraprejentés a livel provinzial, per nia rejoné dl livel nazional y internazional, olache ai ne é daldut ne nia raprejentés.