Chi da Balsan se arata pa scicà, mo ala fin s’ài ciafè na ćiavada

Cun chësta frasa pon splighé en cört ći che al é sozedü cun i contrać dla Sel. Un de chi sentà dal’ atra pert dla mësa sintetisëia insciö l’aventöra de chi da Balsan: “Ai é te n monn massa gran por ëi”.
La serada de informaziun sura le scandal Sel à portè a conoscënza dl zitadin sciöche ći che prô da gnì venü da pert dla SVP sciöche n suzès é indere n grandiscimo fal. La SVP y i sü se à lascè ingianè, insciö ai portè döta la popolaziun che ai raprejentëia a gnì ingianda. Y döt po ciamò gnì dër ćer, sce la Sel, sciöche an po s’imaginé, ne é nia buna da davagné dötes les gares por le conzesciun che ara mëss portè. Döt spliga a ći moda che i contrać messâ gnì tingis ascognüs. Le zitadin ne podô nia savëi te ći mans che al é.

Scandal Sel, en vëndres, ai 03.02.2012, sëra de informaziun sön le scandal Sel y sura i proieć idroeletrics sön la Gran Ega
Ćiasa dla Cultura La Ila, dales 20.00

Le scandal Sel à desmostrè te döta süa gravité ći che valgügn savô, mo che tröc ignorâ. Inće a Balsan vëgnel moscedè le publich cun le privat y i posć de laûr vëgn partis sö en funziun no dles competënzes, mo dles conescënzes.
Ladins Dolomites, adöm al Grup Consiliar di Vërć desmostrarà ći che al sozedô al intern dla Sel. Al gnarà spo dè informaziuns sön i proieć idroeletrics sön la Gran Ega, olache la Sel s’à inće moscedè ite. Implü gnaràl inće afrontè la tematica di lêć artifiziai de munt (un é odü danfora sön Piz La Ila) che an adora ofizialmënter por l’inovüda artifiziala, mo che à la funziun da garantì na certa portada dla Gran Ega ti mëisc de söta invernai.

Al antergnarà

Albert Pizzinini, Presidënt de Ladins Dolomites
Lukas Plancker, Vizepresidënt de Ladins Dolomites
Riccardo Dello Sbarba, aconsiadù provinzial di Vërć
Christoph Franceschini, jiornalist dla Tageszeitung

Jandaniel Granruaz „Jeanruaz“ cun n intervënt musical

Le publich podarà antergnì, damanè stlarimënć y dì sües opiniuns

Scandal Sel y proieć idroeletrics sön la Gran Ega
Sëra de informaziun organisada da Ladins Dolomites adöm cun le Grup Consiliar di Vërć

Cun

Albert Pizzinini, Presidënt Ladins Dolomites
Lukas Plancker, Vizepresidënt Ladins Dolomites
Riccardo Dello Sbarba, Aconsiadù Provinzial di Vërć
Christoph Franceschini, jornalist dla Tageszeitung

Jandaniel Granruaz „Jeanruaz“

Publich cun domandes y intervënć

La Ila, Ćiasa dla Cultura, en vëndres, ai 03.02.2012, dales 20.00

Edema cörta a scora

L’introduziun sforzada dl’edema cörta tles scores de Südtirol, sciöche orü dala SVP, va cuntra l’autonomia dles scores. La manira, cun chëra che la dezijiun vëgn sforzada sö, desmostra inće les dificoltês dl partì de maioranza, oramai ala fin dl rejim, da se adeguè ala dialetica democratica. La conzesciun de deroghes, sce al vëgn arjunt te Consëi de Istitut maioranzes bulgares (10/14) raprejentëia l’ultima tuta pur le nês.
L’obietif tler che an ô arjunje é n smendrimënt dl orar de scora, jon insciö a ti tó ai scolars le dërt costituzional da ciafè na buna istruziun.
Por ći che reverda la scora ladina chìron l’assessur ladin che ne s’à mai porvè da portè dant les ghiranzes dla scora ladina, olache geniturs y scolars s’à a gran maioranza detlarè por mantignì la situaziun atuala.
L’invit de Ladins Dolomites é chël da defene l’autonomia scolastica, jon inće cuntra les deliberes dla Junta Provinziala.

Albert Pizzinini
Ladins Dolomites